Tafola ya dikagare
Molaetša go tšwa go PO
Dilo tšeo o swanetšego go di tseba ka dikholego tša gago tša motheo tšeo o di ngwaletšwego
Holega go tšwa go Lenaneo la botswetši
Kgatelelo ya madi: Lemoga mmolai yo yo a ikhomoletšego nako e sa le gona
Tumelelo pele e a hlokega!
Kgatelelo: Ditaetši le tharollo
Dikgetho tša Bahlokomedi tša bobedi tša maloko a GEMS
Ke eng kgopelo ya bookelong yeo e feleletšego e sa lefelelwa?
Ditemošo
Molaetša go tšwa go PO
Ke a tshepa gore le lengwe le le lengwe la maloko a GEMS a 450,000 le baholegi ba le 1,250,000 ba bile le nako ya boikhutšo yeo ba ipheletšego gabotse, ba bolokegile gape e bosana mme gape ba tšwela pele go hwetša katlego e kgolo ya bona gape le ya sehlopha le bophelo ka 2010 - go no swana le leloko le lengwe le le lengwe la GEMS.
Mola 2010 e fihlago,re tšweletše pele ka go nyakana le go tšwa pele mo ditirelong le khwetšagalo ya ditirelo tša tlhokomelo ya tša maphelo tša boleng bja godimo. Maikemišetšo a a rena a sa dutše a le bohlokwa mo go tšohle tšeo re di dirago gomme maloko a rena a swaetše a tshepe gore tebelelo ya rena ga se ya ya šutha le ga nnyane.
E eta pele ka mohlala, Poto ya Bahlokomedi e šetše e fane ponelopele ya leano ya 2010, mme ka moka ga rena re thabetše go bona go tsenywa tšhomong ga ponelopele ye.
Re lemoga gore setlamo, le maloko a sona, le kgolo mo mengwageng e mene yeo e fetilego mola re bulago menyako ya rena ka 2006, bjale ke nako ya gore re fetišetše setlamo le ditirelo tša yona maemong a maswa. Re tla be re lebelela leswa kgwebo, ditirelo, mekgwatšhomo le maikutlo a maloko a rena ka ga GEMS mo ngwageng ka moka wa 2010, maikemišetšo e le go bona mafelo ao a hlokago kaonafatšo le tebelelo leswa.
Re tla thoma gape ka lenaneo la go leka go maatlafatša maloko a rena ka tsebo yeo e tla ba kgontšhago go tšea diphetho tše bontšhago tsebo ka ga boitekanelo bja bona le dikholego tša tša tlhokomelo ya tša kalafiGore. GEMS ka nnete e kgone go fihlelelamaemo a a godimo a go ba pele ka 2010, go tla swanela gore go be gona tšhomišano mmogo magareng ga Setlamo, maloko le bafani ka ditirelo tša tša tlhokomelo ya tša maphelo - wo ke mošomo wo o kgahlišago e le ka nnete!
Ke thabela go le tsebiša gore ge ngwaga o dutše o e ya, re tla bea šedi e kgolo mo go Facets, re leka go go tsebiša ka ga ditokelo tša gago bjalo ka leloko la GEMS - leloko, molwetši le modiriši wa ditirelo tša tša kalafiGo. bohlokwa gore leloko le lengwe le le lengwe la GEMS le tsebe tlhokomelo yeo le e hwetšago, neng le kae mo le e hwetšago, le gore naa dikgetho tša phekolo di a hwetšagala le gore naa ke dikholego dife tšeo le nago natšo goba le dumeletšwego go ka di šomiša.
Kopano kgotha kgothe ke e bohlokwa, gomme re hlohleletša maloko a rena gore a be gona, gomme a kgathe tema. Letšatši le lefelo, ka mehla o di tsebišwa go sa na le nako. Go netefatša gore bohle ba ba gona kopanong kgotha kgothe bonnyane gatee, tiragalo ye e swarwa porofentsheng yeo e fapanego ngwaga ka ngwaga. Lenyaga kopano kgotha kgothe go akantšwe gore e swarelwe Mmabatho Convention Centre, porofentsheng ya Leboa Bodikela mesong, ka la 30 Juni. Ka kgopelo ngwala fase letšatši le, le bohlokwa ka ge e le kgahlegelong ya gago e kaone, gore bjale ka leloko o be gona.
Kgetho ya bahlokomedi ba bararo le yona e swanetše go ba e phethilwe bofelong bja Juni. Ka ge ye e tla be e le kgetho ya bobedi ya bahlokomedi, re a tshepa gore maloko a tla kgatha tema ka botlalo le ka go leka go agana. Tshedimošo ka ga dikgetho o šetše o e fetišeditšwe, mme sengwalwa se ikgethilego ka ga Kgetho ya Bahlokomedi ba GEMS se a hwetšagala mo letlakaleng 5.
Mo kgatišong ya rena ya Facets ya mathomo ya 2010, o ka nna wa bala gape ka ga Dikholego Tša Motheo tšeo o di Ngwaletšwego, Kgetho ya Bahlokomedi yeo e tla bago ntshe ka 2010, Dikholego tša GEMS tša botswetši le lenaneo le ye nngwe tshedimošo yeo e ka go tšwelago mohola ka ga mooko.
Menyetla e megolo e pele ga rena ka 2010 - A re šomeng mmogo gore re atlege!!
Wa lena
Ikgokaganye le rena
Mogala: 0860 00 4367
Fekese: 0861 00 4367
Dilo tšeo o swanetšego go di tseba ka ga Dikholego Tša Motheo tšeo o di Ngwaletšwego (Di-PMB)
Go ya ka Molao wa Ditlamo tša tša kalafi,GEMS e swanetše e lefelele ka botlalo, go se ke gwa ba le tefelo mmogo goba tšhomišo ya dintšhwa, tlhahlobo, mabaka a phekolo le hlwahlwa ya tlhokomelo ya Dikholego Tša Motheo tšeo o di Ngwaletšwego. Mabaka a a tsenyeletša :
sehlophana sa maemo a tša kalafiao a fokoleditšwego go a le 270;
boemo bofe kapa bofe bja tša kalafibja tšhoganyetšo; le maemo a sa folego a le 25.
O dumeletšwe Dikholego Tša Motheo tšeo o di Ngwaletšwego (Di-PMB) go sa lebelelwe gore naa ke kgetho efe ya GEMS yeo o e tšeerego. Di-PMB, moo go laeditšwego, di tsenyeletša tefelo ya hlwahlwa ya dihlare.
Mo karolong ye re tla lebelela kudu ya tše dingwe tša dilo tšeo di lebanego le tlhokomelo le ditshwanelo tša PMB. Tshedimošo le go feta e tla fiwamo dikgatišong tša išago tša Facets go netefatša gore maloko a GEMS a tloga a matlafaditšwe ka nnete .
Naa malwetši ao a sa folego ke di-PMB?
Maemo a masomepedihlano a malwetši ao a sa folego a ngwadišitšwe bjale ka Di-PMB. Gore o kgone go hwetša ditshwanelo tša PMB tša gago tša malwetši ao a sa folego ka kgopelo gopola dintlha tše latelago:
GEMS e hloka gore o be leloko la lenaneo la taolo ya kalafiya mmušeletšwa pele ga ge tšhireletšo e ka tsena tšhomong (diforomo di hwetšagala go tšwa go websaete (www.gems.gov.za). O ka nna gape wa kgopela diforomo ka tšhomišo ya Tirelo ya go ithuša ka bowena ya IVR goba wa leletša Setheo sa Megala mo go 0860 00 4367).
GEMS e šomiša diformulari go tšea sephetho sa gore naa ke dihlare dife tšeo tla di lefellago maemong a mangwe le a mangwe ao a sa folego, mme tše di mo boemong bjo tee le maemo ao a gatišitšwego ka Khansele a bonnyane bja phekolo bakeng sa Ditlamo tša tša KalafiTefelo. mmogo ya 30% e tla šomišwa ge dihlare tšeo di sego ka gare ga formulari di ka šomišwa gape le ge DSP ya tša Mmušeletšwa ya GEMS, Medipost, e ka se šomišwe.
Mapheko a kalafiya mmušeletšwa a theilwe go ye nngwe le ye nngwe ya dikgetho tše tlhano tša dikholego tša GEMS. Ge o ka feta mapheko a, GEMS
HIV ke PMB. Ka go ingwadiša mo lenaneong la Taolo ya Bolwetši bja HIV la GEMS, Maloko ao a nago le HIV a tla kgona go hwetša dikholego tšeo di sepelelanago le bolwetši bjo.
Naa ke swanetše go šomiša mofani ka tirelo yo a kgethilwego?
Di-PMB di ka romelwa go Mofani ka tirelo yo a kgethilwego (DSP). DSP ke mofani ka tirelo ya tša tlhokomelo ya tša maphelo (ngaka, rakhemisi, bookelo, bjalo bjalo) yoo a neilwego kontraka ke GEMS gore a fane ka tlhokomelo ya Di-PMB.
Di-DSP tša GEMS di tsenyeletša ditirelo tša mmušo tša tlhokomelo ya tša maphelo, Medipost le Netcare 911. Tshedimošo ka ga Di-DSP le ditirelo tšeo ba fanago ka tšona e hwetšagala mo go Annexure G ya Melao ya Setlamo.
Ge wena ka bowena o kgetha go se šomiše DSP, O tla swanela ke go lefela karolo ya kgopelo (tefelo mmogo). GEMS e swanetše go netefatša gore go bonolo gore o kgone go ya go DSP. Ge DSP e se kgauswi goba o sa kgone go ka ya go yona, goba nakong tša tšhoganyetšo, o ka nna wa šomiša yeo e sego DSP gore e fane ka tlhokomelo ya PMB mme GEMS e tla ba le boikarabelo bja go lefelela phekolo yeo o e hweditšego.
Ge o se na bonnete bja tlhokomelo yeo ya go ya ka bowena goba e sego ka bowena yeo o e hlokago bakeng sa PMB ya gago, ka kgopelo o se ke wa dikadika go ikgokaganya le GEMS.
Naa ditefelo mmogo di a dumelelwa?
Eng, ditefelo mmogo di a dumelelwa.
Ge o ka kgetha ka bowena go se šomiše Mofani ka tirelo yo a kgethilwego wa GEMS (DSP), gona tefelo mmogo e tla šomišwa. Tefelo mmogo yeo e ka nna ya ba phapano magareng ga hlwahlwa ya tirelo le yeo GEMS e ka bego e e lefeletše ge nkabe o šomišitše GEMS DSP Goba persente ya tefelo mmogo go ya ka Melao ya Setlamo ya GEMS.
Ditšhoganyetšo ga di dumelele peakanyetšo - kudukudu ge maphelo a le kotsing. Molao wa Setlamo sa tša Kalafio hlalosa "ditšhoganyetšo" e le "se diregago ka bjako, mme gape ka nako yeo, boemo bjo bo bego bo sa lebelelwa bja tša kalafibjo hlokago phekolo ya tša kalafigoba tšhomišo ya magare, moo e lego gore go šitega go fana ka phekolo ya tša kalafigoba tšhomišo ya magare go ka nna gwa hlola kgolofalo e mpe ya go šoma ga mmele goba go šoma ga mpe ga setho goba karolo ya mmele, goba go ka nna gwa tsenya bophelo bja motho yoo kotsing".
Phekolo nakong ya ditšhoganyetšo ke kholego ya Motheo yeo o e Ngwaletšwego.
Boitekanelo bja gago le go phela gabotse bo a re ama bjalo ka GEMS! Mo boemong bofe kapa bofe bja tšhoganyetšo o ka nna wa ya tirelong ya tša tlhokomelo ya maphelo ya kgauswi le wena gore o kgone go hwetša phekolo ya tšhoganyetšo, le ge e le gore ga se DSP.
Ge o šetše o hweditše phekolo ya gago ya tšhoganyetšo gomme bophelo bja gago bo se sa hlwa bo le kotsing, tlhahlobo ya boemo bjo e swanetše e netefatšwe, se se direlwa gore GEMS e tle e tsebe go phekola boemo bjoo ka morago - bjalo ka PMB goba aowa.
LEMOGA: Akhaonto ya dipolokelo ya tša kalafi,go swana le yeo ya mo kgethong ya Ruby, e ka se šomišwe go lefelela tlhokomelo ya PMB.
Latela Molao
Se leke go tla mokgwatšhomo ka thoko!
GEMS e dumeletšwe go tla ka ditsenogare tšeo e lego gore di tla kaonafatša go šoma gabotse ga tlhokomelo ya tša kalafi,go tsenyeletšwa dilo tša go swana le go nyakega ga tumelelo pele, go tsenywa tšhomong ga mekgwatšhomo ya phekolo, le tšhomišo ya diformulari.
GEMS e na le ditsela tše mmalwa tša tlhokomelo yeo e laolwago tšeo e di šomišago, mekgwatšhomo, diformulari le dithulaganyo tša DSP go netefatša gore maloko a hwetša ditshwanelo tša ona tša PMB!
Ge o kwa o kare ga o a hwetša khwetšagalo yeo e lekanetšego ya ditshwanelo tša PMB, ka kgopelo tsebiša Setlamo ka go leletša 086 000 4367. Ge o se wa thabela sephetho se tšeerwego ka ga taolo ya tlhokomelo, O ka nna wa ganana le sephetho seo sa Setlamo ka go romela sello sa gago Setlamong.
GEMS e na le sehlopha seo se
ikemišeditšego go go thuša ka dillo tša gago tša PMB tšeo o ka bago o na natšo, ka kgopelo šomiša tirelo ye
Bula maahlo gore o tle o kgone go efoga mathata afe kapa afe ao a go bona leswao le kgauswi le ka bago gona ao a sepelelanago le dingwalwa, le tla go bontšha ditshwanelo tša PMB.
maemo ao e lego di-PMB.
Holega go tšwa go Lenaneo la Botswetši la GEMS
Dikholego tša go ba leloko la Lenaneo la Botswetši la GEMS
O tla hwetša puku ya botswetši le pelego ya GEMS, gammogo la leano la tlhokomelo, tšeo di hlalosago ditirelo tša botswetši tšeo GEMS e fanago ka tšona.
O ka kgona go fihlelelatshedimošo ya tlhokomelo ya tša maphelo yeo e tla go thušago ka ga boitekanelo bja gago le dikgetho tša pelego tšeo o ka di boledišanago le ngaka goba mmelegiši wa gago. Tshedimošo/dingwalwa tšeo o di hwetšago go tšwa go GEMS ga di tšee sebaka sa keletšo ya tša kalafi le tlhokomelo tšeo o di hwetšago go tšwa go ngaka ya gago.
Bomma bao ba tlo bago le bana bao ba ngwadišitšwego mo lenaneong ba tla hwetša mpho ya setswetši go tšwa go GEMS om karolong ya boraro ya botswetši bja bona. Yona e romela go maloko ka tšhomišo ya tirelo ya diphasela gomme e bonagala bonolo ka ge e tla be e na le sekgomaretši sa
GEMS mo sephuthelwaneng seo. Ka kgopelo tsebiša setlamo ge e le gore aterese ya gago ya bodulo e fetogile, go netefatša gore o hwetša mpho ya gago.
Maele ka mogala le thekgo di hwetšagala gape ge o ka ba le mathatanyana mo dibekeng tša pele tša mathomo tša botswadi.
Tlhokomelo ya ka morago ga pelego le ya diopsteteriki yeo e hlokago go tsenywa bookelong, go tsenyeletšwa le pelego ke seemo sa Dikholego Tša Motheo tšeo o di Ngwaletšwego (PMB).
Ge go fokola ga HIV go dutše go naba gomme mašole a mmele a batho bao ba phelago ka HIV le AIDS a se sa hlwa a kgona, ba thoma gore ba ka tsenwa ke malwetši a go tsatsela, mme a mangwe a ona a ka ba kotsi.
Malwetši a go tsatsela ao a tlwaelegilego ao batho ba go phela ka HIV le AIDS ba ka bago le ona a tsenyeletša:
go fetelwa ke ditwatši, tše swanago le bolwetši bja maswafo, go fetelwa ga porototsoa ka maleng go go hlolago letšhologo le sa emišego, go fetelwa ke mouta, bjalo ka kantitiasisi (theraše), diphetelo tša ditlišampholo, tše bjalo ka saethomekalobaerase ya maahlo (yeo e ka nna ya hlolago go foufala) le dishikilisi, le
Naa terapi ya di-antiretroviral e a thuša naa?
Terapi ya di-antiretroviral (ART) e fokotša palo ya HIV mo mading gomme e thuša mašole a mmele gore a kokotlele. Mašole a mmele ao a kokotletšego a fokotša le go feta kgonego ya go ka ba gona malwetši a go tsatsela, e feela ga a thibele ka botlalo go ka ipea kotsing. Thibelo le phekolo ya maemo a go tsatsela e dula e le yona karolo e bohlokwa ya go phekola ga HIV.
Mofani ka tirelo ya phekolo ya bolwetši bja HIV wa GEMS, Aid for Aids, o šišinya gore molwetši a thome ka terapi ya gagwe ya di-antiretroviral ge palo ya gagwe ya di-CD4 e le ka tlase ga 350. E feela, ge molwetši a na le ditaetši tša gore bolwetši bo ekela pele, bo bontšha boemo bjo oketšegilego bja legato la 3 (bjalo ka TB goba hepatitis), goba o na le bolwetši bja legato la 4(bjalo ka Sakhoma ya Kaposi), gona di ART di ka thongwa. Methalotlhahli e meswa ya Setšhaba ya phekolo yeo e gatišitšwego ke Kgoro ya tša Maphelo e dumelela gore go fanwa ka di-ART go thomišwe ge palo ya di-CD4 e le go 350
Naa diphetelo tše tša go tsatsela di ka thibelwa bjang?
Batho bao ba phelago ka HIV ba ka fokotša kotsi ya go fetelwa ka go fokotša kgohlano le difetetša, ka go efoga nama yeo e sa apewago goba yeo e sa apewago gabotse, ka go se nwe meetse ao a sa lokišwago, ka go netefatša gore diphaphoši tšeo ba lego go tšona di hwetše moya o hlwekilego le go efoga kgohlagano le diphoofolo tša gae tšeo di ka ba ntšhago kotsi (bjalo ka dikatse).
Diphetelo di se kae tša go tsatsela (pneumocystis pneumonia le bacterial pneumonia) di ka thibelwa ka go nwa kelo e nnyane ya dianthipayothiki yeo e bitšwago co -trimoxazole ka mehla. Batho bao ba nago le palo ya tlase ya di-CD4 (ya ka tlase ga 200) ba swanetše ba šomiše co-trimoxazole go fihla nako yeo e lego gore palo ya bona ya di-CD4 e kaonafetše le go feta.
Bolwetši bja maswafo bo ka thibelwa ka go tšea ye nngwe ya dipilisi tša go lwešana le TB (isoniazid goba INH). Se se bohlokwa kudu go batho bao ba nago le HIV bao ba kopanago le balwetši bao ba nago le bolwetši bja maswafo, bjalo ka bašomedi ba tša tlhokomelo ya tša kalafi.
Naa diphetelo tša go tsatsela di ka phekolwa?
Diphetelo dingwe tša go tsatsela (bjalo ka theraše ya ka ganong) di ka kgona go phekolwa bonolo ka ntle ga bookelo ka lenaneo le bonolo la dianthipayothiki, dianthifunkale goba dianthibaerale. Diphetelo tše dingwe di šoro kudu gomme di hloka gore o tsenywe bookelong gore go tle go dirwe diphatišišo tšeo di tseneletšego le phekolo yeo e ikgethilego.
HIV ke bolwetši bjo šoro bja mmušeletšwa e feela bjo laolegago gomme go ithuta go phela ka mafolofologo tsenyeletša go fokotša le go thibela kotsi ya diphetelo tša go tsatsela. Go bohlokwa gore o bonane le mofani wa gago wa tirelo ya tša tlhokomelo ya tša maphelo ge o na le dipelaelo ka ga boitekanelo bja gago le go phela gabotse .
HIV/AIDS ke seemo sa Dikholego Tša Motheo tšeo o di Ngwaletšwego (PMB) mme Ditlamo tša tša kalafi di gapeletšega gore di fe maloko bokgoni bja go ka hwetša tlhahlobo, phekolo le tlhokomelo ya bjona.
gago
Maiteko a, a tla thoma ka la 1 Aporele 2010. Mo-Afrika Borwa yo mongwe le yo mongwe le leloko le lengwe le le lengwe la GEMS
le swanetše go tseba maemo a lona a HIV.
Diteko tša HIV ke tša go ithaopa feela mme ke khupamarama, mme gape o ka nna wa di dirwa ka le lengwe la Matšatši a Boitekanelo a GEMS ao a tla bego a le lefapheng la gago goba ditleliniking. O ka nna gape wa kgopela gore ngaka ya gago e go dire diteko. Re a tseba gore se ga se sephetho se bonolo go ka se tšea, e feela gore o šireletše wena le molekani wa gago, dira gore o dirwe teko gomme o tsebe boemo bja gago.
Mopresidente gape o begile tše latelago:
Bana bohle ba mengwaga ya ka tlase ga o tee ba tla hwetša phekolo ge go ka hwetšwa gore ba na le yona. Go thomiša ka phekolo ga go ye ka gore na boemo bja disele tša CD4 bo kae.
Balwetši bao ba nago le TB le HIV, ba tla hwetša phekolo le di-antiretroviral ge palo ya di-CD4 e le go 350 goba ka tlase. Ka se sebaka, phekolo e hwetšagala ge palo ya CD4 e le ka tlase ga 200. TB le HIV/AIDS bjalo di tla phekolwa ka nako e tee.
Basadi bohle bao ba lego mmeleng ba nago le HIV mme palo ya bona ya di-CD4 e le go 350 goba ba na le ditaetši, ba tla hwetša phekolo go sa lebelelwe palo ya bona ya di-CD4. Ka se sebaka, basadi bao ba lego mmeleng ba go ba le HIV ba hwetša phekolo ge palo ya bona ya di-CD4 e le ka tlase ga 200.
Kgatelelo ya madi - Lemoga mmolai yo, yo a ikhomoletšego nako e sa le gona
Kgatelelo ya madi magolo goba Kgatelelo ya madi gantši go thwe ke 'mmolai yo a ikhomoletšego' ka gobane ga gona ditaetši goba e no ba tše nnyane. Kgatelelo ya madi yeo e sa laolwago goba laolwago e feela e se ka go lekanela e ka feleletša e lebišetše ditlhakatlhakanong tše mpe tša tša tlhokomelo ya maphelo tše bjalo ka seterouku, go ema ga pelo, dipshio tše sa šomego le go foufala.
Ke eng seo se hlolago Kgatelelo ya madi?
Dilo dingwe tše ka go tsenyago kotsing di a tsebja gore di ka oketša kotsi ya ya go ba le Kgatelelo ya madi. Tša go swana le tšeo o di hwetšago ka tlhago go tšwa batswading, go tsenyeletšwa le histori ya lapa ya Kgatelelo ya madi, le tšona di kgatha tema. Tše dingwe di sepelelana le dikgetho tše mpe tša bophelo bjalo ka go se itšhidulle, go kgoga le go nwa nnotagi go feta tekano. Kgatelelo ya madi e ka hlolwa gape ke malwetši a mangwe ao ngaka ya gago e tla go hlalosetšago ona.
Go phekola Kgatelelo ya madi?
Tšea kalafiya gago ya mmušeletšwa go ya ka mokgwa woo o e ngwaletšwego ke ngaka ya gago.
Boledišana le ngaka ya gago ge go ka ba le tše mpe tše hlolwago ke kalafiye, gomme o se emiše go e tšea ntle le ge ngaka yeo e go phekolago e rile o o dire bjalo.
Netefatša gore o dirwa diteko kgafetša kgafetša go lekola gore ga go se sa sepelego botse.
Efoga tše sa sepelego botse ka go latela lenaneo la phekolo go ya ka ge o le ngwaletšwe ke ngaka mme o ye go ngaka yeo e go fago kalafo bonnyane gatee mo dikgweding tše tshela.
Gore o kgone go efoga tše sa sepelego botse, bokaone ke gore Kgatelelo ya madi e lemogwe e sa le ka pela gomme kalafo ya maswanedi e fanwe.
Fetola tsela ya bophelo:
Ge e le gore o a kgoga - Tlogela!
Fokotša boima bja gago o thome go itšhidulla.
Fetola tsela yeo o jago ka yona: Fokotša letswai, efoga makhura a diphoofolo le dikhalori tša go fetelela.
Kgatha tema mo Matšatšing a Boitekanelo a GEMS gore o kgone go lemoga Kgatelelo ya madi e sa le nako
Mo Matšatšing a Boitekanelo a GEMS ao a swarwago ke lefapha la gago, o ka nna wa tlatša sebotšološi se bonolo ka ga histori ya gago ya tša kalafi yeo e tla fago moporofešenale wa tša kalafitshedimošo yeo a ka e šomišago ka ga histori ya gago ya tša kalafi.Kgatelelo ya gago ya madi, swikiri yeo e lego mading le kholesterole(o hloka feela go hlabja gatee mo monwaneng), boima, bolele mme tikologo ya dinoka tša gago e tla elwa. Dipoelo tša gago tša go lekolwa bakeng sa tša kalafio tla di botšwa e le wena feela gomme di tla swarwa e le khupamarama Gomme o tla fiwamaele go netefatša gore o kwešiša magato ao o swanetšego o a tšee go laola Kgatelelo ya gago ya madi.
Tšea kgato go ya go beng wena yo thabilego gape o phetšego gabotse gomme o dire diteko tša Kgatelelo ya madi mo Matšatšing a Boitekanelo a GEMS . Mošomedi wa HR a ka Kgopela Letšatši la Boitekanelo la GEMS ka go emeilela join@gems.gov.za goba wa botšiša o mongwe wa bašomedi ba rena ba tša thekišo.
Kgatelelo ya madi ke seemo sa Dikholego Tša Motheo tšeo o di Ngwaletšwego (PMB).
Tumelelo pele e a hlokega!
Nomoro ya gago ya tumelelo pele is ke bofelo bja tsela ya go netefatša gore phekolo yeo e rerilwego, go tsenywa bookelong goba sekene seo o se hlokago ka nnete di a hlokega go ya ka tša kalafi le gona le tša maswanedi.
Tumelelo pele e swanetše e hwetše pele ga ge o ka:
tsenywa bookelong;
o ya bookelong bjalo ka molwetši yo a sa tlego go robala;
o tlo ba le sekene sa CT, sekene sa MRI, dithuto tša radio-isotope goba o ka ba le tša kalafi ya tša meeno yeo e tseneletšego; le
Pele ga ge o ka bona ofe kapa ofe wa bafani ka tirelo ya tša tlhokomelo tša maphelo ba ditsebi, maloko a Sapphire le Beryl ba swanetše ba kgopele tumelelo pele goba tumelelo ya go romelwa pele
Tumelelo pele e kgontšha tše latelago:
Netefatšo ya go ba leloko;
Tshekatsheko kgahlanong le Melao ya Setlamo;
Tumelelo ya go tsenywa bookelong; le
Go netefatša gore ditefelo di ka gare ga mapheko mo go swanetšego
Tumelelo pele e swanetše e hwetšwe diiri di le 48 pele ga ge o ka tsenywa bookelong. Ka nako ya tšhoganyetšo, e swanetše e hwetšwe mo letšatšing le latelago la kgwebo la go latela go tsenywa bookelong. Maloko ao a se nago tumelelo pele mo dilong tšeo ba ikgethelago go di dira goba di beeleditšwe ba tla tshwanela ke go lefelela kotlo ya R1 000.
Tumelelo pele e ka hwetšwa:
Ka Mošupologo go ya go Labohlano 8:00 - 17:00 le ka Mokibelo go tloga go 8:00 - 12:00 ka go leletša 0860 00 4367 mme wa dira kgethi ya tumelelo ya go tsena bookelong
Ka go kgetha 'Bookelo le Radiolotši yeo e tseneletšego'
Ge o ka letša ka morago ga nako ya mošomo, re tla gatiša tshedimošo ya gago mme re go leletše mo diiring tša go šoma di le 8.
Netefatšo ya nomoro yeo e ikgethilego ya PARA ya PAR yeo e nago le dikhoutu tša nako ya mathomo yeo go akantšwego gore o tla e dula, dumeletšwego goba gannwego e tla ntšhwa .
Ngwalelano yeo ya PAR e tla romelwa go wena le ngaka ya gago goba tirelo yeo phekolo e tla bego e diragala go yona.
O tla hwetša SMS yeo e nago le nomoro ya tumelelo yeo e ikgethilego ge kgopelo ya gago e se na go phethwa.
O tla romelwa gape SMS ge e le gore kgopelo ya gago ga e a dumelelwa.
Ge e le gore o ganeditšwe tumelelo pele gomme ngaka ya gago e nyaka go tšwela pele ka ophareišene goba tšhomišo ya tša magare, o ka nna wa kgetha go dira seo e feela Setlamo se ka se e lefelele. O tla swanela ke gore o lefelele akhaonto ka botlalo.
Mme gape ka nako yeo o hwetšago tumelelo pele, netefatša gore o boledišana le ngaka ya gago ka ga direiti tšeo a tlilego go go lefiša tšona bakeng sa seo a nyakago go se dira, ga mmogo le gore naa go tla ba le bafani ka ditirelo tše dingwe tšeo di ka bago ntshe - bjalo ka dianastethiste. Gopola Reiti ya Setlamo ya GEMS ke NHRPL goba reiti yeo go rerišanwego yeo e theilwego. O na le tokelo ya go boledišana le le mofani ka tirelo ditefelo tšeo a tlilego go go lefiša!
Ge e le gore go tla ba le diphetogo mo nakong yeo o tla e dulago, boemo bja tlhokomelo, mohuta wa dilo tšeo go tla fanwago ka tšona ke phekolo, gona diphetogo tše di tla lebelelwa le go sekwasekwa ke basepetša kgetsi.
SE BOHLOKWA
Tumelelo pele ga se netefatšo ya tefelo
Ditumelelo ka mehla di tla lebelwaleswa go ya ka melao ya Setlamo le dikholego tše hwetšagalago
Tšhaparego: Ditaetši le ditharollo
Go ikwa moya o le fase nako le nako ke selo se tlwaelegilego, e feela ge maikutlo a, a sa tloge gomme a ama bokgoni bja gago bja go šoma ka tshwanelo, gona o ka no ba o hloka thušo!
Tšhaparego ke bolwetši bja monagano that bjo bo hlolago go nyama, go felelwa ke kgahlegelo goba maikutlo a boiketlo, maikutlo a go ipona molato goba o se na mohola, o se na boroko goba o sa nyake dijo, o se na maatla, mme gape o sa kgone go kgotlelela. Mathata a a ka no ba a mmušeletša goba goba a ba gona kgafetša kgafetša mme a ka no feletša a thibela gagolo bokgoni bja motho bja go kgona go tšweletša pele maikarabelo a bona a tšatši ka tšatši. Se sebe ke gore, tšhaparego e ka dira gore motho a ipolaye, selo se se sepelelanago le tahlegelo ya maphelo ao a ka bago 850 000 ngwaga ka ngwaga.
Tšhaparego ke lebaka le tšwago pele la go ba gona ga bogole. Tšhaparego e ba gona mo go bong bjohle, ba mengwaga yohle le botšwo bjo fapanego bjahle.
Dinnete
Tšhaparego e tlwaelegile, e ama batho ba ka bago dimilione tše 121 lefaseng ka bophara.
Tšhaparego ke ye nngwe ya tše tšwago pele tše hlolago bogole lefaseng ka bophara.
Tšhaparego e kgona go ka lemogwa le go phekolwa ka tlhokomelo ya motheo.
Ke bonnyane bja 25% bja bao ba amegago bjoo bo sa kgonego go hwetša phekolo yeo e šomago.
Tšhaparego e kgona go ka lemogwa boemong bja tlhokomelo ya motheo. Kalafiya kgahlanong le tšhaparego le terapi e kopana ya tša monagano yeo e rulagantšwego di šoma botse mo go 60-80% ya bao ba amegilego gomme ba ka kgona go e hwetša ka tlhokomelo ya motheo.
Tekolo ya Tšhaparego
Ge o ka ikhwetša o araba ka gore eng go e tee goba go feta ya dipotšišo tše, o ka no ba o fokola ka tšhaparego ya setlelinikhale, kudukudu ge ditaetši di tšweletše go feta dibeke di le nne:
Naa o ikhwetša o tenega ka pejana?
Naa o phela o lapile, le ge e le gore o be o robetše nako yeo e lekanetšego, goba o ikhwetša o sa kgone go robala (o na le bothata bja go robala)?
A naa o o hwetša ditiro tšeo peleng di bego di le bonolo bjale go le boima go di dira, ga o kgone go dira selo se tee nako e telele?
A naa o ikwa o hloka thušo e bile o se na le tshepo?
A naa ka nako tše dingwe ga o bone mohola wa bophelo bjo o bo phelago? (Dira gore o hwetše thušo ya tša kalafisemetseng ge e le gore o ikwa bjale)
A naa dikgopolo tše mpe bjale di a go tšeatšea?
Naa o ja kudu (o jela go ikhomotša) goba ga nnyane?
Tšhaparego ga se selo seo o swanetšego go se swabela!
Nyaka thušo ya seporofešenale ka go boledišana le ngaka ya gago goba moporofešenale wa tša boitekanelo bja monagano ge e le gore o na le ditaetši tše go bolelwago ka tšona ka mo godimo sebaka se se telele.
Dikgetho tša Bahlokomedi tša bobedi tša maloko a GEMS
Dikgetho tša Bahlokomedi tša bobedi tša maloko a GEMS di tlo swarwa išago lenyaga.Go ya ka Melao ya Setlamo, maloko a Setlamo a kgetha 50% (baemedi ba 6) ya Poto ya Bahlokomedi mola Letona la Tša Tirelo ya Setšhaba le Tshepetšo, le emetše mongmošomo, le kgetha 50% yenngwe (baemedi ba 6) ya Bahlokomedi mo potong.
Nako yeo bahlokomedi ba bararo bao ba kgethilwego ke maloko ka 2007 e tlo fihlapheletšong ka Julae 2010 mme maloko gape go tla hlokega gore ba kgethe Baemedi ba bangwe ba bararo go ba mo Potong ya Bahlokomedi.
Nako yeo bahlokomedi ba bararo bao ba kgethilwego ke Letona la Tša Tirelo ya Setšhaba le Tshepetšo e tlo fihlapheletšong le yona mme Letona le tla be le kgetha Baemedi go ba mo Potong ya Bahlokomedi.
Dikgetho di sepetšwa le go okamelwa ke The Elexions Agency. The Elexions Agency ke mofani ka ditirelo tša go sepetša le go laola dikgetho wa seporofešenale. Ba tla boloka le go šireletša go lokologa ga dikgetho. Poto ya Bahlokomedi le Bolaodi bja GEMS le bafani ka ditirelo bao e ba kgethilego go tla netefatšwa gore go kgatha tema ga bona mo dikgethong tše go ba gona feela ge go hlokega. The Elexions Agency e tla netefatša tše latelago:
Gore dikgetho ga di na matšhošetši e bile ke tše lokologilego, le
Gore batho bao ba kgethilwego bjalo ka bahlokomedi ke Maloko Magolo a Setlamo e bile ba mo seemong se botse
Feme yeo e ikemetšego ya go dira ditekolo ke yona e tla okamelago dikgetho tše tša bahlokomedi bjalo ka senetefatši sa tlaleletšo.
Re hlohleletša leloko le lengwe le le lengwe go kgatha tema mo dikgethong tše!
Tsela ya go kgethwa ga Bahlokomedi
Dikgetho tše di tla ba le dikarolo tše pedi. Tšhišinyo ya bao ba tla emelago dikgetho e tla ba gona mo karolong ya I. Karolo ye e tla thoma ka la 9 Matšhe gomme ya fela ka la 9 Aporele 2010. Karolo ya bobedi 2 ke yona nako ya dikgetho gomme e tla ba gona go tloga ka la 10 Mei go ya go 11 Juni 2010.
Ke feela maloko magolo ao a ka šišinyago bašišinywa a šomiša foromo ya ditšhišinyo yeo e rometšwego maloko. Foromo ya ditšhišinyo e hwetšagala gape mo go websaete ya rena mo go www.gems.gov.za gape le go tšwa ditesekeng tša thušo tša makaleng.
Diforomo tša ditšhišinyo tšeo di fihlagogo aterese ya ka mo godimo ka morago ga 17h00 ka la 9 Aporele 2010 le / goba ya romelwa atereseng ye nngwe feela gomme e sego yeo e ngwetšwego ka mo godimo le / goba e se ya tlatšwa ka botlalo e tla tšewa e se ya NEPAGALA GOMME E KA SE LEBELELWE.
Go lebeletšwe gore naa ditšhišinyo di sepetše bjang, dipampiri tša dikgetho di tla tšweletšwa di na le maina a bašišinywa a ngwetšwe go ya ka ditlhaka (sefane pele) . Maloko a tla hwetša pakana ya dikgetho ka poso yeo e nago le foromo ya dikgetho; CV e kopana ya mošišinywa yo mongwe le yo mongwe; ditaelo tša dikgetho le gore na di sepetšwa bjang (e hwetšagala gape mo go www.gems.gov.za); le emfelopo yeo e šetšego e lefeletšwe e bile e na le aterese ya gago. Maina a bahlokomedi bao ba kgethilwego a tla tsebišwa kua Kopanong ya kgotha kgothe ya ngwaga ka ngwaga of maloko ka la 30 Juni 2010 mme gape a tla gatišwa websaeteng ya rena.
Ke eng seo maloko a ka se emelago?
Maloko magolo ao a šišintšwego gore a ka emela dikgetho go tla ikgokaganywa le ona gore ba a tlatše foromo CV. Foromo ye e tla šomišwa go fa maloko magolo tshedimošo ka ga dithuto, bokgoni le tsebo ya bašišinywa.
Maina a bašišinywa, gammogo le di CV tša bona, di tla gatišwa mo go websaete ya GEMS mo go www.gems.gov.za sebaka sa matšatši a latelanago a le 5. Mo nakong ye, maloko magolo ba tla ba le monyetla wa go tsenya dillo tša bona kgahlanong le ofe kapa ofe wa bašišinywa. E feela, dillo di swanetše di netefatšwe ka bohlatse bjo ka netefatšwago gore naa go tla bjang mošišinywa yo a se a swanelwa go ka emela dikgetho bjalo ka mohlokomedi wa GEMS.
Ke eng seo o swanetšego go se lebelela go tšwa go mošišinywa?
Ditlamo tša tša kalafike tša maloko! Poto ya Bahlokomedi ba Setlamo sa tša Kalafie na le boikarabelo bja go sepetša merero ya Setlamo ka go netefatša gore Setlamo se sepetšwa gabotse le gore ditirelo tša maloko di tšwa pele. Goba mohlokomedi ke boikarabelo bjo tšeelwago hlogong ka ge Bahlokomedi ba ka bonwa e le bona ba nago le boikarabelo mo ditlamoragong tša diphetho tšeo ba di tšeerego.
Bahlokomedi ba Setlamo sa tša Kalafi go hlokega gore ba ba bontšhe tše latelago:
Boikarabelo bja tlhokomelo: Bahlokomedi ba swanetše ba dire mošomo wa bona ka maikemišetšo gomme ba šomiše boemo bja bokgoni le tlhokomelo tšeo di fetago tša ge nkabe ba itirela dilo tša bona. Diphetho di swanetše di tšewe ka potego, seriti le go lebelelwa ga mahlakore ka moka ao a sepelelanago le se.
Boikarabelo bja potegelo: Ba swanetše ka nako tšohle ba netefatše gore dikgahlelo tša maloko a Setlamo ke tšona di tlago pele mo diphethong tša bona le ditirong tša bona, mme, go se na taba gore na go direga eng, ga ba dumelelwa gore ba ka šomiša boemo bja bona go ikhumiša. Mo go tšeeng diphetho ga bona, bahlokomedi ba swanetše ba lekanyetše dikgahlegelo tša maloko ka moka gomme go se ke gwa ba le leloko le swarwago gabotse go feta ba bangwe.
Boikarabelo bja boikokobetšo: Bahlokomedi go hlokega gore ba itshware go ya ka Molao wa Ditlamo tša tša kalafile mapheko a yona, gape le Melao ya Setlamo.
Go na le dilo tše šupa tšeo bahlokomedi ba swanetšego go di bontšha ka nako tšohle:
Boitshwaro
Ponagalo
Go ikemela
Botshepegi
Boikarabelo
Go swara ka go lekanela
Boikarabelo Setšhabeng
Dinyakwa tša tlaleletšo tše itšeng tša GEMS tša Bahlokomedi di tsenyeletša:
Bahlokomedi ba GEMS go hlokega gore ba bege dikgahlegelo tša bona le diphetogo tšeo di lego gona mo dikgahlegelong tšeo.
Bahlokomedi ba GEMS go hlokega gore ba bege dimpho ka moka tšeo ba di hweditšego mo sengwalweng sa dimpho go ya ka pholisi ya Setlamo ya Dimpho.
Bahlokomedi ba GEMS go hlokega gore ba be gona dikatišong tšohle tša bahlokomedi gape ba hwetše maele a seporofešenale ge go hlokega.
Bahlokomedi ba GEMS ba tla lekodišišwa ngwaga ka ngwaga
Ke eng kgopelo ya bookelong yeo e feleletšego e sa lefelelwa?
Go bohlokwa gore o tsebe Melao ya Setlamo le Dikholego tšeo o nago natšo go netefatša gore dikgopelo tša gago tša bookelong di lefelwa ka botlalo. Gape go bohlokwa gore o hwetše tumelelo pele bakeng sa tša tšhomišo ya magare tša ka bookelong le disekene.
A ke a mangwe a mabaka ao a tlwaelegilego a gore go reng dikgopelo di ganwa goba di sa lefelelwe ka botlalo.
Tša go sepelelana le Maloko
Ge go ba leloko ga gago go sa šome mo nakong yeo ya tirelo, se se tla ba ama ditefelo tša dikgopelo tša bafani ka ditirelo . Se se ama kudu bana bao ba sa tšwago go belegwa bao ba swanetšego ba ngwadišwe mo matšatšing a 60 ka morago ga gore ba tswalwe gore dikgopelo ka moka tša go sepelelana le pelego di tle di kgone go lefelelwa. Ge moholegi a se a ngwadišwa ka nako yeo ya tirelo kgopelo yeo e ka se lefelwe.
Mofani ka tirelo yo a kgethilwego
GEMS e na dipeakonyo di se kae le Mofani ka tirelo yo a kgethilwego (DSP) gomme di laeditšwe mo go Annexure G ya Melao ya Setlamo. Tefelo mmogo e ka nna ya šomišwa mo mabakeng ao e lego gore DSP ga e a šomišwa ka tshwanelo.
Dikholego Tša Motheo tšeo o di Ngwaletšwego
Ge e le gore o hweditšwe o na le boemo bja PMB bja nnete, GEMs e tla swanela ke go lefelela boemo bjo le go feta dikholego tšeo di hwetšagalago.
Bafani ka ditirelo ba dumeletšwe go lefišago feta direiti tše tlwaelegilego bakeng sa Di-PMB, e feela Setlamo ga se gapeletšege gore se go bušetše tšhelete ge e le gore o dirile seo ka go ithaopa. Dikgopelo Dikgopelo di ka nna tša se lefelwe ka botlalo ge e le gore boemo kgopelo ya gago PMB ga bo a hlaka go Setlamo.
hwetša tlhokomelo e kaone ka mokgwa wo go kgonegago, go ya ka methalotlhahli yeo e dumeletšwego ya setlelinikhale. Ditirelo tše dingwe le ditekolo di ka nna tša ganwa ka baka la gore mekgwatšhomo ya tlhokomelo yeo e laolwago le methalotlhahli ya Setlamo ga e a latelelwa. Ge tumelelo pele e se ya hwetšwa, tirelo yeo e ka se lefelelwe, goba o tla lefišwaka baka la gore o se wa hwetša tumelelo pele, pele ga ge o ka dira se.
Melao ya Setlamo le tšeo di sa tsenyeletšwego
Molao 16 le Annexure E ya Melao ya Setlamo e laola diphekolo le kalafitšeo Setlamo se tla di lefellago. Netefatša gore ke eng seo se sa tsenyeletšwego pele o ka ya bookelong, ka ge ditirelo tšeo di sa tsenyeletšwego di sa lefelelwe.
Dipotšišo tšeo di botšišwago kgafetša kgafetša
Naa ke hwetša bjang thušo ka dipotšišo tšeo nka bago natšo ka ga ditefelo?
Ikgokaganye le GEMS mo go 0860 00 4367 go hwetša thušo goba goba o fekesetše potšišo yeo ya gago go 0861 00 4367.
Ge e le gore tirelo ya rena e tšwile pele go feta ka mokgwa wo o bego o naganne, ka kgopelo re tsebiše ka go re romela emeile go compliments@gems.gov.za.
Ge potšišo yeo o bego o e rometše lepokising la poso la dipotšišo le sa go fe phetolo yeo e kgotsofatšago goba o bego o e nyaka, o ka nna wa romela sello seo lepokising la poso go complaints@gems.gov.za.
Dikgopelo
Dikgopelo di tla ganwa goba tša se lefelwe ka botlalo ge e le gore ga di a lefišwaka tshwanelo, goba tefo ya ntshe e godimo go feta reiti ya Setlamo bakeng sa tirelo yeo (theko ye ntshwa). Dikgopelo di ka nna tša ganwa ge e le tša kgale (di feta dikgwedi tše 4), e bušeleditšwe, goba ge tshedimošo ka ga leloko e se ya nepagala. Ge o na le dipotšiše tše itšeng ka ga dikgopelo, ka kgopelo se dikadike go ikgokaganye le rena ka dinomoro goba diaterese tša emeile tšeo di ngwetšwego mo bofelong bja sengwalwa se.
Tlhokomelo yeo e laolwago le mekgwatšhomo ya setlelinikhale di netefatša gore o
Go tla diragala eng ge ke ganana le go se lefelwe ga tšhelete ka botlalo?
Ditlamo ka moka tša tša kalafigo hlokega gore di be le Dikomiti tše ikemetšego tša ngangišano where moo e lego gore dillo tša maloko di tla theeletšwa. Maloko a ka nna a tsenya sello sa ona ka tšhomišo ya Mokgwatšhomo wa GEMS wa go Rarabolola Dingangišano ge ba kwa o kare sephetho seo se tšeerego ke Setlamo ga se sona.
Ge maiteko ka moka a go rarabolola bothata le GEMS a ka folotša, o ka nna wa romela sello seo sa gago go Lefapha la Dillo la Khansele ya Ditlamo tša tša Kalafika poso, fekese, emeile goba ka go e romela mo inthaneteng mo go www.medicalschemes. com.
Ditemošo
Kopano kgotha kgothe ya ngwaga ka ngwaga ya GEMS
Kopano kgotha kgothe ya ngwaga ka ngwaga ya bone ya maloko e tla swarwa ka la 30 Juni 2010 kua Mmabatho Convention Centre, Dr James Moroka Drive 740, Mmabatho, kgauswi le Lepatlelo la Mmabatho. Maloko ka moka, kudukudu bao ba tšwago Leboa Bodikela, ba kgopelwa gore ba be gona mo tiragalong ye ye bohlokwa le go feta.
Netefatša gore DSP ya tša mmušeletšwa ya GEMS ka mehla e na le tshedimošo ya gago yeo e feleletšego ya bjale ka ga aterese ya fao o dulago ntshe go netefatša gore kalafiya gago ya mmušeletšwa e fihlago wena ka nako. Ka kgopelo tsebiša GEMS DSP ka diphetogo dife kapa dife tša tshedimošo ya go ikgokaganya le wena ka go leletša go 0860 00 4367, le go emeilela chronicdsp@gems.gov.za goba go fekesetša
Sekwamaikutlo sa go lekola kgotsofalo seo se lego mo inthaneteng se a hwetšagala mo karolong ya "Member Online" mo websaeteng ya rena. Se ke sedirišwa sa goba le mohola se tla go thušang go reita ditirelo tša rena.
Kgotla mo lefelong leo o nyakago go le reita gomme sebotšološi sa sekwamaikutlo se tla tšwelela.Ge o šetše o fetotše dipotšišo ka botlalo, kgotla mo go "SUBMIT" gomme phetolo ya gago e tla romelwa thwii go GEMS.
Setlamo se Tee ka nako
GEMS ke Setlamo sa tša Kalafise se sa bulelwago bohle sa bašomedi ba Tirelo ya Setšhaba. Go ba leloko la GEMS o swanetše go tlogela Setlamo sa tša Kalafisa gago sa bjale. Ga go motho yo a dumelelwago go ka ba leloko la Ditlamo tša tša kalafitše PEDI ka nako e tee.
Dira gore ditokomane tša gago di hlatselwe mo dikantorong tša rena tša dileteng
Bjale o ka kgona gore di-ID, diafitafitileditokomane tše dingwe di hlatselwe mo dikantorong tša dileteng tša GEMS ge o dira kgopelo ya go ba leloko la GEMS goba o kgatha tema mo tekolong ya go dumelega ga moholegi ka wena ya ngwaga ka ngwaga.
Barulaganyi ba dileteng ba dikantorong tšohle tša dileteng tše 18 ba tla šoma bjale ka
Dikomišinara tša Boikano go tloga ka la 8 Matšhe 2010.
Se se bohlokwa kudu: Mokomišinara wa Boikano o tla hloka go bona ditokomane tša gago tša makgonthe (ID goba ditokomane tše dingwe) pele ga ge dikopišwa di ka hlatselwa.
TŠE DISWA: Kholego ya tlaleletšo ya Boloko ya Emerald
Kholego ya tlaleletšo ya Boloko ya kgetho ya Emerald e kgoboketša (goba go kopanya) dikholego tša tša meeno, tša maahlo, radiolotši ya motheo le ditirelo tša tša boitekanelo tše kopantšwego tša moholegi o mongwe le o mongwe mo Kholegong ya tlaleletšo ya Boloko la R7000 mo mengwageng e mebedi.
Ye nngwe le ye nngwe ya mapokisana a dikholego ao a ngwetšwego ka mo godimo e na gape le lepheko la tlasana la moholegi o mongwe le o mongwe. Tšhomišo ya mapokisana a a dikholego a ka se fete mapheko a tlasana ao a beetšwego motho ka o tee goba tšhomišo ya mokopanelwa ya mapheko a tlasana ya feta lepheko la Kholego ya tlaleletšo ya Boloko la R7 000.
Itemogele ka bowena tšhomišo ya polelo yeo o e nyantšego letsweleng mo go GEMS
Afrika Borwa e na le ditšo di le dintši le maleme a le mantši, gomme e bonwa boditšhabatšhabeng e le tshepo ya bokamoso bjo kaone bja Afrika. Polelo e kgotla maikutlo a seo batho ba lego sona le gore naa ke bona bo mang mo sehlopheng. Go tšwa go Tshivenda go ya go isiXhosa, maleme a Afrika Borwa a le 11 ke karolo ya tša polelo le kamano ya baboledi ba ona.
Bokamorago bjo bja malememantši bo sepetšana le dikokwana tša Setlamo, ke tšona di dirilego gore re tšee sephetho sa go thoma leeto le la gore re kgontšhe batho gore ba kgone go hwetša tshedimošo ya Setlamo ka leleme leo ba ikgethelago lona. Bjalo ka kgato ya pele, sengwalwa sa gago sa go tšwa kotare ye nngwe le ye nngwe, Facets, e šetše e hwetšagala ka maleme ka moka a semmušo mo go www.gems.gov.za.
Re tla e tšea ka dikarolwana, maikemišetšo e le go fana ka tirelo go maloko a rena ka polelo yeo ba ikgethelago ka 2012. Ka 2010 re tla ikgokaganya le wena ka mehlodi yeo e fapanego ya poledišano gore re kgone go tseba gore naa o tla rata go hwetša tshedimošo ya go tšwa go GEMS ka polelo efe. Dula o butše maahlo!
